نشرت الصفحة الرسمية لفريق النجم الرياضي الساحلي عبر موقع التواصل الاجتماعي فيسبوك ، تدوينة في شكل رسالة لجماهيرها وذلك سويعات قليلة قبل مواجهة الكلاسيكو الحاسمة امام ملاحقه المباشر النادي الافريقي،
والتي سيحتضنها الملعب الاولمبي بسوسة هذا اليوم ، السبت 24 جوان 2023 ، انطلاقا من الساعة 16:30 في اطار الدفعة الثانية من مباريات الجولة 12 لحساب بطولة الرابطة المحترفة الاولى لكرة القدم.
واليكم فيما يلي النص الكامل للتدوينة:
"جماهير ليتوال في كل مكان.
الماتش اللي فات رجالنا في المدارج خلات دروس في التشجيع و الدخلة و الإنضباط، و جمهورنا خلى العالم الكل يحكي عليه.
الجمعية، النجمة الساحلية... ليتوال ليوم حاجتها بينا، بلاصتنا في الستاد نشجعو و نساندو كالعادة و نجيبو الأطراح.
بالدخلة و Force Vocale و نشجع للدقيقة 90 Sans Arrêt... باللي يصير في الماتش ديما مع الجمعية و نفرحو مع بعضنا و ننتبهو باش ما نتعاقبوش و نوصلو نلعبو من غير جمهور.
مازالو 2 مباريات في الموسم، شنوة طعم الربح من غير جمهور، تصور ليتوال تربح و انت موش في الستاد.
نشجع جمعيتي و ننتبهو من رمي المقذوفات (فلامات، قوارير، ولا أي حاجة أخرى..) على أرضية الميدان.
نوعيو بعضنا، ونوصي اللي بجنبي باش ما يطيش شيء.
نمشيو للستاد على بكري abonné ولا بتسكرتي
مالا يد وحدة مع بعضنا من أول دقيقة لبعد التسعين، و في بقية المشوار نكونو حاضرين."
