هذا ما صرح به رياض التويتي في خصوص إجتماع الترجي الرياضي بالجامعة التونسية لكرة القدم:
- الترجي مهيش باش تخرج حتى بلاغ
- الاجتماع دار في كنف الاحترام المتبادل وجو باهي ورايض و ما فيه حتى احتقان
- الجامعة فرحت بينا و الظروف كانت طيبة
- الاجتماع بقى مفتوح و متسكرش
- الجامعة في خصوص لي نسالوها هي عطات اوراقها و احنا اعطينا اوراقنا فيها المبالغ لي نسالهملها والجامعة خذات الاوراق و باش تنظر فيها
- مازلنا متحاسبناش و الجامعة طلبت باش تراجع المحاسبة متاعها و تشوف روحها و بعد باش ترجع علينا
- الترجي عمرو مطلب باش يشوف حسابات الأندية الاخرى و أحنا طلبنا الاطلاع على حسابات الجامعة مش الأندية ومن حقنا نعرفو شنية في حسابات الجامعة خاطرو مرفق عمومي
- الترجي من حقو باش يعرف اموال الجامعة وين ماشية مش يعملو بيها اش يحبو
- الجامعة رفضت باش تمدنا بالحسابات متاعها و كيفاش سلفت الأندية و قداش سلفتهم و شنوة هوما الضمانات لي خذاوها منهم
- ماناش باش نسكتو عالرفض و باش نشدو صحيح باش نعرفو المعلومات لي طلبناها الكل
- الترجي تاخذ فالفلوس بالعملة الصعبة و تدخل فيها للبلاد من فلوس الكاف و الفيفا و بيع لاعبين و هذا مهم برشا
- الترجي مداخليو تسمحلو باش تغطي ديونو بالعملة الصعبة بكل أريحية و زيادة و حد ميعمل علينا مزية و لي طلبناه من الجامعة هو التسريع في صرف الأموال لي هي متاعنا ،
- الترجي عندها devise و بزايد خاطر مداخيلنا الكل بالدولار عكس بقية الأندية لي مداخيلها مجملها بالدينار
- الجامعة فالاجتماع قالت منجمش نقارن بين الترجي و بقية الأندية خاطر الشي بعيد على بعضو
- الترجي تطلب منك باش تسرع في صرف فلوسها للهياكل المعنية بينما الجمعيات الأخرى يتسلفو من الجماعة فلوس خاطر معندهمش و هذا مهم برشا باش الناس تعرفو.